jueves, 18 de abril de 2013

Libro de cine, cine de libro

Os fantásticos libros voadores do señor Morris Lessmore recolle, con ilustracións, a historia dun home amante dos contos, das palabras e dos libros. Una historia que demostra como os libros cobran vida ao ser lidos e como alegran as distintas etapas da vida dun lector. Un álbum ilustrado para todos os públicos, cheo de simbolismos, metáforas e suxestións.

Primeiro foi a curtametraxe gañadora dunha ducia de premios (entre eles o do público no Festival de Cine de Austin, mellor curta de animación no Festival de Cine de Cinequest e mellor curtametraxe de animación nos premios Óscar da 84th Academy Awards). Dirixida por William Joyce e Brandon Oldenburg, narra en pouco máis de catorce minutos a historia dun escritor que, tras perdelo todo nun vendaval que arrasou unha cidade enteira, acaba encargándose dunha máxica biblioteca de libros voadores e de como os libros marcaron a súa vida e lle ofreceron o seu poder terapéutico. Inspirado no furacán Katrina, en Buster Keaton, en o Mago de Oz... e, sobre todo, na paixón polos libros... estamos diante dun filme que, sen palabras (é cine mudo) di todo sobre o mundo da lectura e da escritura. 

Unha aplicación para Ipad permite tamén acompañar ao noso protagonista, Morris Lessmore, na súa aventura.

Elixamos o formato que máis nos guste (impreso, fílmico ou en aplicación de Ipad) para tributar un merecido homenaxe ao libro no día da súa celebración

sábado, 23 de febrero de 2013

LENDO A ROSALÍA

Na lectura colectiva de Cantares Gallegos promovida pola AELG representounos a alumna Sara Freiría Durán, de 4º ESO, que recitou "Miña Santa Margarida"


Grazas, Sara!